Angelica Panganiban, inanunsiyo ang pagbubuntis
“Ay na-post!!🤰”
Inanunsiyo ng aktres na si Angelica Panganiban ang pagbubuntis sa kanilang unang anak ng boyfriend na si Gregg Homan.
Sa Instagram, ibinahagi ng aktres ang video ng ultrasound at larawan ng kaniyang baby bump.
“Sa wakas!! Magagampanan ko na rin ang pinakahihintay, at pinaka-importanteng papel ng buhay ko. Magiging ganap na INA na po ako,” saad ni Angelica.
Biro pa nito, “Opo, may matres ako mga baklaaah!”
Nagpasalamat ang aktres sa mga kaanak, kaibigan at mga aniya’y “marites” na sumusuporta, nagdidiwang, at nagdadasal para sa kanilang pamilya.
Bumuhos naman ang pagbati kina Angelica at Gregg.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.