Dimples Romana, buntis sa ikatlong anak

Masayang inanunsiyo ng aktres na si Dimples Romana ang kaniyang pagbubuntis sa ikatlong anak nila ng asawang si Boyet Ahmee.

Sa Facebook live event ng vitamin brand na Fortima, Biyernes ng hapon (March 18), unang ibinahagi ng aktres ang panibagong blessing.

Maiyak-iyak sa tuwa si Dimples nang sabihin na lima na ang miyembro ng kanilang pamilya.

Nag-post din ng larawan ang aktres sa Instagram kung saan makikita ang kaniyang baby bump.

“I am now officially a MOM of 3 unique children born from 3 different decades,” caption ni Dimples sa IG post.

Bumuhos naman ang mga pagbati kina Dimples at Boyet mula sa kanilang mga kaibigan at tagasuporta.