Unang debate ng Comelec para sa 2022 elections, kasado na
Kasado na ang PiliPinas Debates 2022 ng Commission on Elections (Comelec).
Biyernes ng hapon, March 18, nag-inspeksyon sina Comelec Chairperson Saidamin Pangarungan, Commissioner George Erwin Garcia, at spokesperson James Jimenez sa venue ng unang Presidentiable debate sa Harbor Garden Tent, Sofitel sa Pasay City.
Isasagawa ang debate bandang 7:00, Sabado ng gabi (March 19).
Siyam sa 10 presidential candidates ang inaasahang dadalo sa debate:
– Ernesto “Ernie” Abella
– Leodegario “Leody” De Guzman
– Francisco “Isko” Moreno Domagoso
– Norberto “Bert” Gonzales
– Panfilo “Ping” Lacson
– Faisal “Fai” Mangondato
– Jose “Joey” Montemayor Jr.
– Emmanuel “Manny” Pacquiao
– Maria Leonor “Leni” Robredo
Bukod tanging si dating Senador Ferdinand “Bongbong” Marcos Jr ang hindi makakadalo sa debate.
Samantala, nauna nang sinabi ni Jimenez na mapapanood ang debate sa iba’t ibang TV channels, maging sa social media platform ng ahensya.
“All channels have committed to air the debates. GMA will air it on DepEd TV. Will stream simultaneously on COMELEC’s social media channels – Facebook, Twitter, and YouTube,” saad ni Jimenez sa Twitter.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.