Inihayag ng Philippine National Police (PNP) na patuloy nilang tututukan ang kondisyon ng aktres na si Ana Jalandoni.
Ito ay matapos arestuhin ang aktor na si Kit Thompson dahil sa umano’y pananakit at pag-detain sa girlfriend sa isang hotel sa Tagaytay City, Cavite.
Ayon kay PNP Public Information Office Chief Police Brig. Gen. Roderick Alba, inihahanda na ang mga ebidensya para sa posibleng isampang kaso laban kay Thompson.
“We do not condone any act of violence, especially against women,” saad ni Alba.
Dagdag pa nito, “As we celebrate the Women’s Month, we couldn’t stress enough the inherent role of the PNP to protect the rights of every woman in society.”
Nangako rin ang PNP na gagawing buo, patas, at transparent ang imbestigasyon sa insidente.