Desisyon ni Pangulong Duterte ukol sa hirit na 4-day work week, ilalabas sa Lunes

By Chona Yu March 17, 2022 - 05:57 PM
PCOO photo

Sa Lunes na malalaman ng publiko kung aaprubahan ni Pangulong Rodrigo Duterte ang hirit ng National Economic Development Authority (NEDA) na 4-day work week at work from home na set up.

Ayon kay acting Presidential spokesman Martin Andanar, naipaliwanag na sa Pangulo ang magiging benepisyo ng naturang mungkahi na kung saan, layunin nitong makatipid sa oras, pagkain, pamasahe at iba pa ang mga manggagawa sa gitna ng patuloy na pagtaas ng presyo ng mga pangunahing bilihin pati na sa produktong petrolyo.

Ayon kay Andanar, lahat naman ng mungkahi ay pinag-aaralan at pinakikinggan ng Pangulo.

Bukas aniya si Pangulong Duterte sa lahat ng rekomendasyon na manggagaling sa kanyang Gabinete kabilang na ang economic team gayundin ang mula sa mga dalubhasa, mambabatas at mga ekonomista.

Dagdag ni Andanar, nagsalita na rin naman ang Pangulo na kung anuman ang magiging desisyon ng economic cluster ay iyon ang magiging polisiya ng pamahalaan gayung ito naman ang kanilang forte.

Una rito, inirekomenda ng economic team na huwag suspendihin ang excise tax na inaprubahan naman ng Punong Ehekutibo.

TAGS: 4 day work week, InquirerNews, MartinAndanar, neda, PresidentDuterte, RadyoInquirerNews, 4 day work week, InquirerNews, MartinAndanar, neda, PresidentDuterte, RadyoInquirerNews

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

Your subscription could not be saved. Please try again.
Your subscription has been successful.

Subscribe to our daily newsletter

By providing an email address. I agree to the Terms of Use and acknowledge that I have read the Privacy Policy.