Shabu, sumpak at mga bala, nasabat sa ika-33 Oplan Galugad

Isinagawa ng mga tauhan ng Bureau of Corrections (Bucor) ang ika-tatlumpu’t tatlong Oplan Galugad sa New Bilibid Prisons (NBP).

Tinatayang nasa 150 gramo ng shabu ang nasabat mula sa dalawang preso ng quadrant 3 ng maximum security compound.

Maliban dito, may nasabat ding improvised shot gun o sumpak, mga electronic gadgets, at mga bala mula sa building 3 at 13 ng quadrant 3.

Sinabi Ni NBP Supt. Richard Schwarzkopf, bukod sa criminal case, maaaring maapektuhan ang pagtanggap ng dalaw, o tanggalan na ng dalaw ang dalawang bilanggo na nahulihan ng droga.

Posible rin silang ilipat sa ibang pasilidad.