Sugatan ang pitong sundalo matapos pasabugan ng granada ang isang military truck sa Jolo, Sulu kaninang alas 5:30 ng umaga.
Nakilala ang mga sugatan na sina Sgts. Zandro Sambrano at Ferdinand Bisnar, Corporals Juanito Taguiam Jr., Arth Manatad, Arnel Pascual, Louis Limayog at Calpasi Olli.
Isinugod na ang mga sugatan sa Heneral Teodulfo Bautista Trauma Hospital sa Jolo para malapatan ng lunas.
Nabatid na pauwi na ang mga sundalo sa kanilang kampo nang pasabugan ng granada malapit sa Plaza Marina sa Marina Street sa Brgy. Walled City.
Inaalam na ng mga otoridad kung anong grupo ang nasa likod ng insidente.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.