Mag-ina mula sa Ukraine, nakaalis na sa Warsaw pauwi ng Pilipinas
Nakaalis na sa Warsaw, Poland ang babaeng Filipino kasama ang anak na lalaki pauwi ng Pilipinas.
Ayon sa Department of Foreign Affairs (DFA), nagmula ang mag-ina sa Ternopil, Ukraine at lumikas dahil sa tumitinding tensyon.
Nakabiyahe ang mag-ina sakay ng Emirates flight via Dubai noong March 12.
Tinanggap ang mag-ina sa temporary shelter ng embahada sa Lviv, Ukraine at sinamahan papunta sa Ukrainian-Polish border noong March 8.
Patuloy naman ang pagtulong ng Philippine Embassy sa Warsaw sa mga nalalabing Filipino sa Ukraine na nais ma-repatriate.
Hinikayat ang mga nalalabing Filipino na tumawag sa embahada sa lalong madaling panahon.
Sa ngayon, nakasailalim ang Ukraine sa Alert Level 4 o Mandatory Evacuation.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.