Pagpasok ng mga komunista sa gabinete respetado ng Malacañang
Walang balak ang Malacañang na kontrahin ang plano ni presumptive President-elect Rodrigo Duterte na magtalaga ng mga miyembro ng komunistang grupo sa kanyang gabinete.
Ayon kay Communications Sec. Sonny Coloma Jr., kinikilala nila ang kapangyarihan ng papasok na presidente sa pagpili ng mga sa palagay nito ay kwalipikadong opisyal na bubuo sa kanyang gabinete.
Ipinaalala ni Coloma na lahat ng mga presidential appointees ay dadaan pa rin naman sa pagkilatis at kumpirmasyon ng Commission on Appointments o CA.
Una nang sinabi ni duterte na apat na cabinet posts ang iaalok niya sa Communist Party of the Philippines pag-upo niya sa malacañang.
Kabilang dito ang mga posisyon bilang kalihim ng Department of Agrarian Reform (DAR), Department of environment and Natural Resources (DENR), Department of Social Welfare and Development (DSWD) at Department of Labor and Employment (DOLE).
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.