Pamamahagi ng Food Security Program boxes sa Maynila, sinimulan na

Sinimulan na ng Manila City government ang pamamahagi ng Food Security Program (FSP) boxes sa naturang lungsod.

Ayon sa Manila Public Information Office, aabot sa 700,000 pamilya ang mapagkakalooban nito.

Katuwang sa sabay-sabay na pamamahagi nito sa anim na distrito ang ilang miyembro ng Department of Engineering and Public Works, Department of Public Services, at Manila Traffic and Parking Bureau.

Noong March 7, ininspeksyon nina Mayor Isko Moreno at Vice Mayor Honey Lacuna ang ilang FSP boxes sa San Andres Sports Complex.