Bumababa na rin ang kaso ng COVID-19 sa mga probinsya sa Davao region.
Ayon sa OCTA Research, tatlong probinsya sa naturang rehiyon ang kabilang na sa ‘very low risk’ status sa COVID-19
Sa datos na inilabas ni OCTA Research fellow Guido David hanggang March 9, kasama sa nasabing kategorya ang Davao del Sur, Davao Occidental, at Davao Oriental.
Nasa ‘low risk’ category naman ang Davao de Oro, at Davao del Norte.
Lumabas din sa datos na nakapagtala ang Davao de Oro ng -55 percent na one-week growth rate sa mga kaso, -46 percent sa Davao del Norte, -63 percent sa Davao del Sur, -43 percent sa Davao Occidental, at -10 percent sa Davao Oriental.
Samantala, nasa dalawang porsyento ang reproduction rate sa Davao de Oro, pitong porsyento sa Davao del Norte, at tatlong porsyento sa Davao del Sur.