Nakaranas ng pagbaha ang ilang lugar sa Lamitan City, Basilan.
Base sa mga larawan ng City Disaster Risk Reduction Management Office (CDRRMO) Lamitan sa Facebook, makikita ang pag-apaw ng tubig sa ilang bahagi sa nasabing bayan.
Wala kasing tigil ang pag-ulan dulot ng umiiral na low pressure area (LPA).
Sinabi ng CDRRMO Lamitan na unti-unti nang tumataas ang lebel ng tubig sa Gubauan River.
Dahil dito, pinayuhan ang mga residente na malapit sa ilog na lumikas.
Base sa abiso ng PAGASA bandang 2:30 ng hapon, nasa orange warning level na ang Basilan.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.