31 pamilyang nasunugan sa Quezon City, inayudahan ni Belmonte

(Photo courtesy: Quezon City government)

Aabot sa 31 pamilyang nasunugan sa Brgy. Tatalon, Quezon City ang inayudahan ng lokal na pamahalaan.

Ayon kay Quezon City Mayor Joy Belmonte, nakataggap ng tig P10,000 ang bawat house owner na nasunugan.

Tig P5,000 naman ang natanggap ng mga pamilyang nangungupahan lamang.

Ayon kay Belmonte, bukod sa pinansyal na ayuda, binighyan din ang mga nasunugan ng hygine kits, starter kits at mga food packs.

Ayon kay Belmonte, sinisikap ng lokal na pamahalaan na maayudahan ang mga nasunugan para agad na makabangon sa trahedya at agad na makabalik sa normal na pamumuhay.

Matatandaang tinupok ng apoy ang isang residential area sa Brgy. Tatalon kamakalawa kung saan umabot sa ikalawang alarma ang sunog.