Tanging si Pangulong Duterte lamang ang maaring pumili sa susunod na hepe ng pambansang pulisya.
Ito ang sinabi ni Interior Sec.Eduardo Año kasunod na rin ng napipintong pagreretiro ni PNP Chief Dionard Carlos sa bisperas ng eleksyon sa Mayo 9.
Dagdag pa ni Año masyado pa rin maaga para pag-usapan ang pagreretiro ni Carlos at aniya wala pa rin naman naikukunsidera na papalit sa huli.
Samantala, itinalaga ni Carlos si Lt. Gen. Rhodel Sermonia bilang bagong PNP deputy chief for Administration, ang pangalawang pinakamataas na posisyon sa PNP.
Pinalitan niya si Lt. Gen. Israel Dickson na nakatakdang magretiro sa darating na Marso 27 at itinalaga na lamang sa Office of the Chief, PNP.
Umangat naman bilang PNP deputy chief for Operations si Lt. Gen. Ferdinand Divina at bagong namumuno sa Joint Task Force COVID 19 Shield.