Presyo ng diesel, bahagyang tataas ngayong araw

 

Magpapatupad ng bahagyang pagtaas sa presyo ang mga kumpanya ng langis sa kanilang diesel ngayong araw ng Martes.

Una nang nagpatupad ang Flying V ng P0.30 na dagdag sa kada litro ng kanilang diesel simula pa kaninang 12:01 ng hatinggabi.

Parehong presyo rin ang dagdag ng mga kumpanyang Total, Petron, Unioil, SeaOil, PTT, Phoenix, Eastern at Shell na epektibo simula alas-6:00 ng umaga ngayong araw na ito.

Ang bahagyang paggalaw sa presyo ng diesel ay epekto rin ng paggalaw ng presyo sa pandaigdigang merkado.