Makatuwiran lang, ayon kay Senator Christopher “Bong” Go, na bigyang-papuri ni Pangulong Rodrigo Duterte ang mga miyembro ng kanyang Gabinete sa papalapit na ang pagtatapos ng termino nito.
Katuwiran ni Go, hindi naman magtatagumpay ang maraming proyekto at programa ng administrasyon kung hindi sa pagtutulungan ng kanyang mga opisyal.
“Tama po ang Pangulo sa kanyang mga papuri para sa kanyang cabinet officials. Kung hindi dahil sa kanilang maigting na kooperasyonat pagtutulungan, hindi po natin makakamit ang mga tagumpay ng administrasyong ito,” hirit pa ni Go.
Kasabay nito, pinuri rin ng senador ang istilo ng pamumuno at pamamahala ng Punong Ehekutibo.
“Napakahalaga po ng ipinakita niyang political will para magawa ng kanyang gabinete ang kanilang mga tungkulin at mapabilis ang kanilang trabaho,”sabi pa ni Go.