Office of the President, wala pang natatanggap na dokumento ukol sa suspensyon ng e-sabong
Wala pang dokumento na natatanggap ang Office of the President mula sa Senado para pormal na suspindehin ang e-sabong o online na sabong sa bansa.
Ayon kay Cabinet Secretary at acting presidential spokesman Karlo Nograles, dapat ay nagbigay ng resolusyon ang Senado sa Philippine Gaming Corporation (PAGCOR) na nag-rerekomenda na suspindehin ang e-sabong at saka ipapasa sa Office of the President.
Sa ngayon, sinabi ni Nograles na walang abiso na natatanggap ang Malakanyang mula sa PAGCOR o Senado.
Iginiit pa ni Nograles na tanging sa mga balita lamang aniya natunghayan ang impormasyon na suspendido ang e-sabong.
Una nang sinabi ni Senate President Tito Sotto na inaprubahan na ni Pangulong Rodrigo Duterte ang suspensyon ng e-sabong sa bansa.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.