Aktibong kaso ng COVID-19 sa Pilipinas, higit 55,000 pa
Mahigit 1,700 ang naitalang bagong kaso ng Coronavirus Disease o COVID-19 sa Pilipinas.
Base sa huling datos ng Department of Health (DOH) bandang 4:00, Huwebes ng hapon (February 24), 1,745 ang bagong naitalang kaso ng nakahahawang sakit sa nakalipas na 24 oras.
Dahil dito, umakyat na sa 3,657,342 ang confirmed cases ng nakakahawang sakit sa bansa.
Sa nasabing bilang, 55,079 o 1.5 porsyento ang aktibong kaso
637 rito ang asymptomatic o walang sintomas, 49,927 ang nakararanas ng mild symptoms, 2,788 ang moderate, 1,428 ang severe, habang 299 naman ang nasa kritikal na kondisyon.
Nasa 188 naman ang napaulat na nasawi.
Dahil dito, umakyat na sa 55,165 o 1.54 porsyento ang COVID-19 related deaths sa bansa.
Ayon pa sa DOH, 2,045 naman ang gumaling pa sa COVID-19.
Dahil dito, umakyat na sa 3,546,098 o 97.0 porsyento ang total recoveries ng COVID-19 sa Pilipinas.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.