Pag-aresto kay Dr. Naty Castro hindi kaso ng red-tagging
(facebook post of Jun Castro)
Nanindigan ang Palasyo ng Malakanyang na hindi isang kaso ng red-tagging o pag-uugnay sa komunistang grupo ang ginawang pag-aresto ng mga pulis kay Dr. Natividad “Naty” Castro sa San Juan City kamakailan.
Ayon kay Cabinet Secretary at acting presidential spokesman Karlo Nograles, kung bubusisiin ng husto, mayroong warrant of arrest na inilabas ang korte dahil sa kasong illegal detention at kidnapping laban kay Castro.
“Una sa lahat hindi po iyon dahil sa “sinasabing red-tagging”. If you look at the facts of case, it is—the arrest was made by virtue of an arrest warrant issued by a regional trial court for serious illegal detention and kidnapping. So may specific crime po that was the cause of the warrant of arrest issued by the RTC court,” pahayag ni Nograles.
Payo ni Nograles, kung hindi sang-ayon ang kampo ni Castro na legal ang pag-aresto sa kanya, maari namang magtungo sa korte.
“And if the lawyer of Dr. Naty would like to [garbled] that, again they have legal remedies available to them and their client. But the legal authorities, law enforcement authorities, and all authorities for that matter involved in the case maintain that all legal protocols and procedures were followed,” pahayag ni Nograles.
Nanindigan pa si Nograles na walang nilalabag na batas ang mga awtoridad nang arestuhin si Castro.
“All law enforcement authorities and all legal authorities maintain that the proper procedure was followed.Inaresto si Castro noong Biyernes, Pebreo 18 ng mga tauhan ng Philippine National Police at Armed Forces intelligence operatives,” dagdag ni Nograles.
Pinagbasehan ng mga awtoridad ang warrant of arrest na inisyu ng trial court sa Bayugan Cuty, Agusan del Sur noong Enero 2020.
Inaakusahan si Castro na isang doktor at longtime advocate ng mga Lumad at mahihirap na komunidad bilang isang mataas na opisyal ng Communist Party of the Philippines.
Ayon kay Jun Castro, wala silang access sa kanyang kapatid simula nang arestuhin ng mga pulis.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.