Nahuling drug suspect nabuking na Abu Sayyaf member
Nadiskubre na isang miyembro ng Abu Sayyaf Group (ASG) ang nahuling drug suspect sa Taguig City.
Sinabi ni Southern Police District chief, Brig. Gen. Jimili Macaraeg na noon pang Enero 28 nang maaresto si Fahad Dumayag alias Abu Cola sa isang buy-bust operation.
Nakumpiskahan siya ng 12 gramo ng shabu na nagkakahalaga ng P81,600.
Ayon kay Macaraeg, isang confidential informant ang nagsabi na miyembro ng teroristang grupo si Dumayag, na agad din umamin.
Nabatid na kasama si Dumayag sa pagkubkob ng ASG sa Lamitan, Basilan noong 2001 sa pangunguna ni Isnilon Hapilon.
Bukod dito, kabilang din siya sa mga dumukot sa mga miyembro ng Jehovah’s Witnesses.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.