Higit P1 dagdag sa presyo ng diesel, gasoline ipatutupad bukas
Abiso sa mga motorista.
Magpapatupad muli ng bigtime oil price increase sa mga produktong petrolyo.
Batay sa anunsiyo ng Caltex, Cleanfuel, at Shell, may dagdag na P1.05 sa kada litro ng diesel habang P1.20 naman ang patong sa kada litro ng gasolina.
Magkakaroon din ng taas-presyo na P0.65 sa bawat litro ng kerosene ng Caltex at Shell.
Mauunang ipatupad ang oil price increase sa Caltex bandang 12:01, Martes ng madaling-araw (February 15).
Magiging epektibo naman ang oil price adjustment ng Shell bandang 6:00, Martes ng umaga.
Samantala, dakong 4:01, Martes ng hapon magsisimulang mabago ang presyo ng mga produktong petrolyo ng Cleanfuel.
Asahang mag-aanunsiyo na rin ang iba pang oil companies ng kanilang oil price adjustment.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.