Sabtang, Batanes niyanig ng magnitude 5.1 na lindol

(UPDATED) Tumama ang magnitude 5.1 na lindol sa Batanes, Sabado ng umaga.

Sa earthquake information no. 3 ng Phivolcs, namataan ang sentro ng lindol sa layong 41 kilometers Southwest ng bayan ng Sabtang dakong 8:41 ng umaga.

May lalim ang pagyanig na 51 kilometers at tectonic ang origin.

Bunsod nito, naitala ang mga sumusunod na intensities:
Intensity 4 – Sabtang, Batanes
Intensity 3 – Uyugan, Ivana, Mahatao at Basco, Batanes
Intensity 1 – Itbayat, Batanes

Wala namang napaulat na pinsala sa Sabtang at mga karating-bayan.

Ngunit, nagbabala ang Phivolcs na posibleng makaranas ng aftershocks.