Bilang ng fully vaccinated kontra COVID-19 sa bansa, higit 59.59-M na
Umabot na sa 59,595,154 ang bilang ng mga fully vaccinated na indibiduwal sa Pilipinas laban sa COVID-19.
Ayon kay Cabinet Secretary at acting Presidential spokesperson Karlo Nograles, base sa National COVID-19 Vaccination Dashboard hanggang February 3, 60,592,696 na ang nakatanggap ng first dose habang 7,870,281 naman ang booster dose.
Bunsod nito, 128,058,131 na ang kabuuang bilang ng mga COVID-19 vaccine dose na na-administer sa bansa.
Sa huling datos ng Department of Health (DOH) hanggang February 3, nasa 153,355 pa ang aktibong kaso ng COVID-19 sa bansa.
Dahil dito, patuloy na hinihikayat ang publiko na magpabakuna upang maprotektahan kontra sa nakahahawang sakit.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.