Anim na lugar, isasailalim sa Alert Level 3

Isasailalim sa Alert Level 3 ang anim na lugar sa bansa simula sa Biyernes, January 28.

Ayon kay acting Presidential spokesperson Karlo Nograles, inaprubahan ito ng Inter-Agency Task Force (IATF) sa araw ng Huwebes, January 27.

Kabilang sa mga isasailalim sa Alert Level 3 ang probinsya ng Palawan, Camiguin, Davao Occidental, Dinagat Islands, Tawi-Tawi at Sulu.

Iiral ang naturang alert level sa mga nasabing lugar hanggang February 15, 2022.