Nakakuha ng malaking suporta ang Pasahero Partylist mula sa ibat-ibang asosasyon ng mga tricycle operators at drivers sa Metro Manila.
Bukod sa pag-endorso ng NCR TODA Coalition, na may 150,000 miyembro sa 17 lokalidad sa Metro Manila, nakipag-alyansa din ito sa Pasahero para sa nalalapit na halalan sa Mayo.
Sinabi ni Atty. Homer Alinsug, ang tagapagsalita ng PASAHERO, pumirma sila ng memorandum of agreement (MOA) nina NCR TODA Coalition president Ace Sevilla at 13 TODA presidents sa Kalakhang Maynila.
Nagkasundo ang partylist at ang koalisyon na magsanib-puwersa para may mahalal sa Mababang Kapulungan ng tunay na magiging kinatawan para sa interes at karapatan ng mga tricycle operators, drivers maging ng mga pasahero gayundin ng iba pang riders organizations.
“We sincerely thank NCR TODA Coalition for its endorsement and support for PASAHERO Party-list. We look forward to working alongside the coalition to empower tricycle operators and drivers through the legislation we will push in Congress should we win in the party-list elections,” sabi pa ng tagapagsalita ng Passengers and Riders Organization Inc.
Ayon naman kay Sevilla sa dinami-daming partylist groups na lumapit sa kanila ang PASAHERO lamang ang nagpakita ng tunay na malasakit.
Layon ng partylist na makatulong sa gobyerno sa pagtitiyak na may maaasahan, maayos, malinis at ligtas na mga pampublikong sasakyan para sa lahat ng mga mananakay.
Samantala, ang iba pang pumirma sa MOA ay sina TODA federation presidents Gardy Geronimo (Taguig City, 1st District), Sonny Ferrer (Taguig City, 2nd District), Alvin Niebres (Makati City), Homer Jalandoni (Muntinlupa City), Armando Airan Jr. (Pateros), Marcelnino Copia (Parañaque City), Reynaldo Bautista (Las Piñas), Mar Sorreda (Pasig City), Ofelia Granado (Manila), Emmanuel Aldana (Caloocan City, 2nd District), Alfredo Severa (San Juan City), Cornelio Baylon (Valenzuela City), at Arnel Andres (Parañaque City).