15,789 na bagong kaso ng COVID-19, napaulat sa bansa
Nakapagtala ng 15,789 na bagong kaso ng Coronavirus Disease o COVID-19 sa Pilipinas.
Sa huling datos ng Department of Health (DOH) bandang araw ng Miyerkules (January 26), pumalo na sa 3,475,293 ang confirmed cases ng nakakahawang sakit sa bansa.
Sa nasabing bilang, 230,410 o 6.6 porsyento ang aktibong kaso.
Nasa 66 naman ang napaulat na nasawi.
Dahil dito, umakyat na sa 53,664 o 1.54 porsyento ang COVID-19 related deaths sa bansa.
Ayon pa sa DOH, 32,712 naman ang gumaling pa sa COVID-19.
Dahil dito, umakyat na sa 3,191,219 o 91.8 porsyento ang total recoveries ng COVID-19 sa Pilipinas.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.