Ikinabigla din ni Senator Manny Pacquiao ang napa-ulat na pagsuporta ng kanyang kapatid na si Sarangani Representative Ruel Pacquiao kay Davao City Mayor Sara Duterte.
Unang nagpalabas ng pahayag ang Lakas-CMD na suportado ng nakakabatang Pacquiao at ni Sarangani Gov. Steve Solon ang kandidatura ni Duterte.
Si Duterte ang vice presidential candidate ng Lakas-CMD at ka-tandem ni dating Bongbong Marcos.
Ayon sa senador ipinatawag na niya ang kapatid para linawin ang ulat .
“Hindi ako kinonsulta sa bagay na ito kayat kailangang magpaliwanag dito si Ruel. Bilang pamilya at bilang magkapatid ay kailangan naming magkaisa upang matiyak ang tuloy-tuloy ang labang Pacquiao – Atienza,” sabi pa nito.
Kasabay nito, tiniyak ni Pacquiao na buong-buo ang suporta niya sa kanyang ka-tandem na si partylist Rep. Lito Atienza.