Higit 20,000 katao, nabakunahan na sa 24/7 drive-thru COVID-19 booster shot sa Maynila

Umabot na sa humigit-kumulang 20,000 indibiduwal ang nabigyan ng bakuna kontra COVID-19 sa Maynila.

Base ito sa datos ng Manila Disaster Risk Reduction and Management Office hanggang 12:00, Biyernes ng tanghali (January 21).

Sinabi ng MDRRMO na nasa 20,136 indibiduwal na ang kabuuang bilang ng nabakunahan sa 24/7 drive-thru booster shot vaccination drive sa Quirino Grandstand.

Katumbas ito ng 7,882 sasakyan na nagtung sa vaccination area.

Matatandaang sinimulan ang 24/7 drive-thru vaccination area noong January 13, 2022.

Maaring magpabakuna sa vaccination site kahit hindi residente ng naturang lungsod.