COVID-19 vaccination sa mga opisina, pinag-aaralan na ng DOLE

Pinag-aaralan na ng Department of Labor and Employment (DOLE) ang pagbabakuna kontra COVID-19 sa mga opisina at iba pang lugar ng mga manggagawa.

Sa Laging Handa Public Briefing, sinabi ni Labor Undersecretary Benjo Santos Benavidez na ito ay para mapadali sa mga manggagawa ang pagpapabakuna.

Ginawa ni Benavidez ang pahayag matapos buksan ng pitong botika ang pagbabakuna sa kanilang mga lugar.

Umaasa si Benavidez na kasabay ng pag-arangkada ng Resbakuna sa Botika, ituloy na rin sana ang pagbabakuna sa mga lugar pagawaan.