Libreng barangay-based testing isinusulong ni Councilor Vargas
By Chona Yu January 17, 2022 - 05:35 PM
Dahil sa pagdami ng mga tinatamaan ng Omicron variant ng COVID-1, isinusulong ni Quezon City District 5 Councilor PM Vargas na magkaroon ng libreng barangay -based testing sa lungsod. Ayon kay Vargas, kinakailangan na matugunan kaagad ang agam-agam ng taong bayan. “Dapat po nating tugunan agad ang takot at agam-agam ng ating mga kababayan para maprotektahan nila ang kanilang pamilya sa mas nakahahawang virus na ito. Kung sila man ay exposed o nagsimulang magkaroon ng sintomas, mainam na makakapunta sila sa kanilang barangay para kumuha ng libreng antigen test,” dagdag ni Vargas. Si Vargas kasama si Quezon City Mayor Joy Belmonte at QC Epidemiology and Surveilance Unit ay kapit bisig sa pagpapatupad ng libreng antigen testing sa mga residente ng District V upang mapangalagaan ang bawat komunidad sa nakahahawang variant ng Covid 19. Anya ang agarang pagpapasuri ay isang daan upang maiwasan ang impeksyon lalupat ngayon ay may nagaganap na community transmission sa Metro Manila batay sa ulat ng Department of Health (DOH). Ang pagpapasuri anya ay hindi accessible at hindi nakakayanan ng marami ang gastos dito na umaabot sa P 700 hanggang P1,000. Unang nakinabang sa libreng antigen testing ang may 500 residente mula sa Fairview, North Fairview, at Sta. Lucia . Ang mga nasusuring positibo sa Covid 19 ay agad na ipinadadala sa quarantine facilities sa tulong ng CESU at City Barangay Health Emergency Response Teams (BHERT) “Sa pamamagitan po nito, malalaman at maabot natin ang may kailangan ng tulong. Mabibigyang lunas natin ang mga may sakit. Mapaglalaanan natin ng suporta ang mga kailangang mag-quarantine,” dagdag ni Vargas. Para magkaroon ng libreng serbisyo, ang residente ay kailangang magpunta sa Greater Fairview Barangay Hall ngayong martes, January 18 2022 mula alas 9 ng umaga hanggang alas 11 ng umaga , alas 11 ng umaga hanggang ala 1 ng umaga sa mga taga North Fairview at ala 1 ng hapon hanggang alas 3 ng hapon ang mga taga Sta. Lucia . Kailangan lamang na magdala ng sariling ballpen, isang valid ID, at vaccination card at sagutan ng kumpleto ang form na ibibgay sa venue. Sa mga may dagdag na tanong ay maaaring makipag ugnayan sa BHERT officers: Jane Sababan sa Fairview (09204321831); Steph Baldevieso sa North Fairview (09369004574); at Manuel Galvez sa Sta. Lucia (09190755109). Bukod sa free testing, patuloy din si Councilor Vargas sa vaccination rollouts sa District V bilang Chairman ng Philippine Red Cross Quezon City Chapter – Novaliches Branch. Noong 2021 lamang ay may mahigit 35,000 katao ang nabakunahan sa ilalim ng kanyang programa. “Sa pakikipagtulungan po natin sa lokal na pamahalaan ng Quezon City, ng Red Cross, at ng bribadong sektor, iigting pa ang ating pagsisikap na maprotektahan ang mga kababayan natin sa District V,” dagdag ni Vargas.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.