“Mas anti poor at anti-life kung mahahawa at makakahawa ang mga hindi bakunado” – DOTr official
May paliwanag ang Department of Transportation (DOTr) sa mga negatibong reaksyon sa ipinatupad na “no vaccination, no ride/no entry” sa mga pampublikong transportasyon.
Ilang grupo at indibiduwal kasi ang tinawag na “anti-poor,” “draconian” o “punitive” ang naturang polisiya.
Giit ni Transportation Assistant Secretary Goddes Hope Libiran, “Mas anti poor at anti-life kung mahahawa at makakahawa ang ating mga kababayan dahil sila ay hindi bakunado.”
Dagdag pasanin aniya sa healthcare system ang pagkakaroon ng severe COVID-19 infections dahil sa non-vaccination result.
Kung makahawa sa mga public transport personnel, mas delikado aniya at mas marami ang maaapektuhan.
“We want to prevent a repeat of the public transport shutdown, like what happened in MRT, LRT and PNR in the past, as most front-facing passengers were infected with the virus,” ani Libiran.
Dagdag pa nito, “We are doing everything we can to maintain and keep our public transport operations safe and running.”
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.