Antipolo Molecular Laboratory, sarado hanggang January 17

By Angellic Jordan January 12, 2022 - 11:01 AM
Photo credit: Mayor Andrea Bautista Ynares/Facebook

Pansamantalang isinara ang Molecular Laboratory ng Antipolo City government dahil sa pagdami ng kaso ng COVID-19 sa kanilang mga tauhan.

Sa Facebook, sinabi ni Mayor Andrea Bautista Ynares na dumadami ang mga nagkakasakit na health workers sa nasabing laboratoryo sa Sitio Cabading, kabilang ang mga pathologist.

Sarado ang naturang laboratoryo simula January 11 hanggang 17, 2022.

Bunsod nito, asahan aniyang maaantala ang pagproseso at paglabas ng mga resulta ng Reverse Transcription-Polymerase Chain Reaction (RT-PCR) swab test.

“Magkakaroon po ng kaunting pagkaantala ang pagproseso ng resulta ng mga RT-PCR swab tests, maging sa mga laboratory (Red Cross) sa ibang rehiyon tulad ng NCR dahil na rin po sa mga nagkakasakit at kasalukuyang naka-quarantine na mga empleyado,” saad ng alkalde.

Humingi naman ng pang-unawa si Ynares sa publiko.

TAGS: AndreaYnares, COVIDtesting, InquirerNews, MolecularLaboratory, RadyoInquirerNews, AndreaYnares, COVIDtesting, InquirerNews, MolecularLaboratory, RadyoInquirerNews

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

Subscribe to our daily newsletter

By providing an email address. I agree to the Terms of Use and
acknowledge that I have read the Privacy Policy.