Deadline para sa business permit renewal, pinalawig sa Maynila

Pinalawig ng Manila City government ang deadline para sa business permit renewal.

Sa ilalim ng Resolution No. 289, pinalawig ng lokal na pamahalaan ang paggbabayad para rito nang 70 araw o hanggang March 31.

“Under the said resolution, deadline of payment is now until March 31, with no interest, penalties and subchargers,” saad ng Manila City Public Information Office.

Dahil dito, sinabi ni Manila Mayor Isko Moreno na hindi dapat kabahan ang mga negosyante na maparusahan sila.

Pinirmahan ng alkalde ang naturang resolusyon sa araw ng Lunes, January 10.