Kinumpirma ng kampo ni Davao City Mayor Rodrigo Duterte na may inire-reserba silang cabinet position para kay dating Defense Secretary Gilbert “Gibo” Teodoro.
Sinabi ng tagapagsalita ni Duterte na si Peter Laviña na nakausap na ng alkalde ng Davao City si Teodoro pero tumanggi itong kumpirmahin kung ano ang pwesto na inilalaan sa dating Kalihim na tumakbo rin sa presidential elections noong 2010.
Nauna nang sinabi ni Duterte na malaki ang kanyang respeto sa dating kalihim dahil sa husay nito sa pamamahala.
Bukod sa Bar Topnotcher, isa ring certified pilot si Teodoro na pinsan ni outgoing President Noynoy Aquino.
Bukod kay Teodoro, nauna nang lumabas ang report na bibigyan ng pwesto sa Administrasyong Duterte sina dating Sec. Jess Dureza na sinasabing ibabalik sa kanyang dating posisyon bilang Presidential Peace Adviser.
Lumutang din ang pangalan nina dating Agriculture Sec.Sonny Dominguez, negosyanteng si Tomas Alcantara ng Alson Group, dating AFP Chief of Staff Hermogenes Esperon at Maribojok Bohol Mayor Leoncio Evasco Jr. na siyang campaign manager ni Duterte sa nakalipas na halalan.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.