Pag-doble ng kaso ng COVID-19 sa bansa, nakaalarma ayon kay Health Secretary Duque
Aminado si Health Secretary Francisco Duque III na nakaalarma ang biglang pagtaas ng kaso ng COVID-19 sa bansa ngayong holiday season.
Ayon kay Duque, wala kasing kaduda-duda na naging doble ang bilang ng mga tinamaan ng virus sa loob lamang ng isang araw.
Babala ni Duque, kapag nagtuloy-tuloy ang pag-doble ng kaso sa mga susunod na araw, kailangan nang higpitang muli ang public health protocols.
Base sa talaan ng Department of Health, nasa 889 ang kaso ng COVID-19 ang naitala noong December 29 at 1,623 noong December 30.
Babala ng OCTA Research Group, posibleng pumalo sa 2,500 ang maaring magpositibo sa virus sa December 31, 2021.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.