Pinangunahan ni Transportation Secretary Art Tugade ang inspeksyon sa Manila International Container Terminal (MICT) sa Tondo, Maynila Lunes ng umaga, December 27.
Kasama ng kalihim sa inspeksyon sina Philippine Ports Authority (PPA) General Manager Jay Santiago, Metropolitan Manila Development Authority (MMDA) Chairman Benjamin “Benhur” Abalos, Jr., at iba pa.
Inikot ng mga opisyal ang pasilidad sa loob ng MICT para magbigay ng alternatibong pamamaraan, partikular sa operators ng container trucks na dumadaan sa Roxas Boulevard at Cavite, na maidaan ang import at export products sa tulong ng mga barge na kinokonekta ng MICT at Cavite Gateway Terminal (CGT) sa Tanza, Cavite.
“Nagpapakita ngayong nagsasama-sama kami dito ng ICTSI, PPA, DPWH, MMDA, at DOTr, na kapit bisig ang pamahalaan at pribadong sektor. Kaya naman walang problemang hindi matutugunan at hindi masosolusyunan,” pahayag ni Tugade.
Samantala, nagsagawa rin ng hiwalay na inspeksyon sa CGT.