Ayon sa Department of Health (DOH), isang 38-anyos na babaeng biyahero mula sa Amerika ang apektado ng bagong variant.
Dumating ang biyahero sa Ninoy Aquino International Airport (NAIA) via Philippine Airlines flight PR 127 noong December 10, 2021.
Nakaranas ang pasyente ng pangangati ng lalamunan at sipon noong December 13.
Nagkaroon ng exposure ang pasyente sa kaniyang mga kaibigan sa Amerika bago bumiyahe patungong Pilipinas.
Negatibo ang pasyente sa kaniyang pre-departure PCR swab noong December 7.
Ngunit nagpositibo sa nakahahawang sakit sa nakuhang specimen noong December 14 at sa reswab collection date noong December 25.
Inilabas na ng facility isolation ang pasyente dahil asymptomatic ito noong December 24.
Sa ngayon, nakasailalim ito sa home isolation.