Pagsirit ng ‘riding in tandem crimes,’ pinuna ni Sen. Gordon
Nagpahayag ng kanyang pagkaalarma si Senator Richard Gordon sa sunud-sunod na krimen na isinagawa ng mga nakasakay sa motorsiklo.
Kasabay nito ang kanyang pagkondena sa mga kaso ng pagpatay sa high profile victims.
“We cannot allow ourselves to just concede the enactment of what may be called symbolic laws, treated as mere advice; treated as mere hortatory urgings, rather than as imperative commands,” banggit ni Gordon sa kanyang privilege speech.
Sinabi nito na noong nakaraang linggo, lima ang napatay, kabilang ang mga pulitiko, doktor at mamamahayag, ng riding-in-tandem killers.
Kabilang sa mga napatay sina Al-Barka, Basilan Mayor Darussalam Lajid, Dr. Raul Andutan at ang mamamahayag na si Jesus ‘Jess’ Malabanan.
Naniniwala ang senador na kung naipapatupad lang ng maayos ang isinulong niyang Republic Act 11235 o ang Motorcycle Crime Prevention Act, maiiwasan ang mga krimen na kinasasangkutan ng ‘riding in tandem.’
“RA 11235 was passed to protect the public from criminals using motorcycles. It was enacted to protect the innocent from motorcycle- laden criminals by allowing easier identification of specific vehicles used in many crimes, through the requirement of larger, legible, more identifiable license plates,” paliwanag ni Gordon.
Nabanggit niya na ngayon taon lamang, 202 na ang biktima ng riding-in-tandem criminals at 172 sa kanila ang namatay.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.