598 na ospital sa buong bansa walang bagong pasyente dahil sa COVID-19
Aabot sa 598 o kalahati sa 1,232 na health facilities at ospital sa buong bansa ang wala nang kaso ng COVID-19.
Ayon kay Health Undersecretary Maria Rosario Vergeire, wala nang naisusugod sa ospital mula December 5 hanggang 9 dahil sa naturang virus.
Nangangahulugan ito na 48.5 percent ang walang kaso ng COVID-19 sa nakalipas na limang araw.
Ayon kay Vergeire, ang Calabarzon na may 92 na health facilities at ospital ang nanguna sa walang admission ng COVID-19 patiens at sinundan ng Central Luzon na may 88.
Wala ring pasyente ang naisugod dahil sa COVID-19 sa 49 mula sa 65 na ospital sa Soccsksargen (South Cotabato, Cotabato, Sultan Kudarat, Sarangani at General Santos).
Sa Metro Manila, 39.2 percent o 62 mula sa 158 hospitals ang walang pasyente na naisugod dahil sa COVID-19.
Gayunman, mahigpit na minomonitor ng DOH ang Eastern Samar, Western Samar at Zamboanga Sibugay dahil sa positive one-week and two-week growth rates.
Nasa moderate risk ang Eastern Samar habang nasa low risk classification ang Western Samar at Zamboanga Sibugay.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.