Higit 1,600 pasahero, stranded sa mga pantalan sa Bicol

Tinututukan pa rin ng Philippine Coast Guard (PCG) ang mga stranded na pasahero sa mga pantalan dahil sa nararanasang sama ng panahon.

Sa maritime safety advisory hanggang 12:00, Biyernes ng tanghali (December 10), stranded ang 1,671 pasahero, drivers at cargo helpers sa mga pantalan sa Bicol region.

Maliban dito, stranded din ang 732 rolling cargoes sa nasabing rehiyon.

Ayon sa PCG, nakararanas ng light to moderate sea condition sa Bicol region.

Patuloy naman ang 24/7 nationwide monitoring ng PCG Operations Center para sa istriktong implementasyon ng guidelines sa galaw ng mga sasakyang-pandagat.