Dalawang eskwelahan sa QC handa na sa face-to-face classes

By Chona Yu December 03, 2021 - 02:08 PM

Handa na ang dalawang eskwelahan sa Quezon City para sa pilot face-to-face classes sa Lunes, Disyembre 6.

Ayon kay Quezon City Mayor Joy Belmonte, ito ay matapos aprubahan ng Department of Education (DepEd) ang face-to-face classes sa Bagong Silangan Elementary School at Payatas B Annex Elementary School sa Barangays Bagong Silangan at Payatas.

Ayon kay Belmonte, ang dalawang eskwelahan ay kasama sa 28 eskwelahan sa Metro Manila na magsasagawa ng face-to-face classes.

Nabatid na sumailalim sa safety assessment ng DepEd at Department of Health (DOH) ang mga eskwelahan.

“Ikinatutuwa ng pamahalaang lungsod na magiging bahagi ng pilot face-to-face classes ang dalawa sa ating mga pampublikong paaralan. Makatitiyak ang mga magulang na magiging ligtas ang kanilang mga anak, maging ang mga guro, sa kanilang pagbabalik-eskwela,” pahayag ni Belmonte.

Ayon kay Belmonte, mayroong isolation rooms at on-standby ambulance ang dalawang eskwelahan.

Mayroon ding tubig o wateer, sanitation, at hygiene (WASH) facilities, proper ventilation sa mga silid aralan, sapat na espasyo para sa physical distancing ang mga eskwelahan.

May nakalagay din na physical barriers, markers at signages.

TAGS: InquirerNews, JoyBelmonte, RadyoInquirerNews, InquirerNews, JoyBelmonte, RadyoInquirerNews

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.