Pilipinas, nakapagtala ng 500 na bagong kaso ng COVID-19
Nasa 500 ang panibagong napaulat na kaso ng Coronavirus Disease o COVID-19 sa Pilipinas.
Sa huling datos ng Department of Health (DOH) bandang araw ng Miyerkules (December 1), pumalo na sa 2,833,038 ang confirmed cases ng nakakahawang sakit sa bansa.
Sa nasabing bilang, 15,327 o 0.5 porsyento ang aktibong kaso.
7,183 sa active COVID-19 cases ang mild; 756 ang asymptomatic; 3,832 pasyente ang moderate; 2,489 ang severe habang 1,067 ang nasa kritikal na kondisyon.
Nasa 167 naman ang napaulat na nasawi.
Dahil dito, umakyat na sa 48,712 o 1.72 porsyento ang COVID-19 related deaths sa bansa.
Ayon pa sa DOH, 951 naman ang gumaling pa sa COVID-19.
Dahil dito, umakyat na sa 2,768,999 o 97.7 porsyento ang total recoveries ng COVID-19 sa Pilipinas.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.