Palasyo, hinikayat ang pagsusuot ng face shield kasunod ng banta sa Omicron variant
Hinikayat ng Palasyo ng Malakanyang ang publiko na magsuot muli ng face shield bilang proteksyon laban sa COVID-19 kasunod ng banta sa bagong Omicron variant.
Sa press briefing, sinabi ni Cabinet Secretary at acting Presidential spokesperson Karlo Nograles na dagdag proteksyon din aniya ang pagsusuot ng face shield.
Nilinaw naman nito na ang pagsusuot ng face shield ay boluntaryo pa rin, base sa ipinatutupad na polisiya ng Inter-Agency Task Force (IATF) for the Management of Emerging Infectious Diseases.
Nakasaad sa IATF Resolution No. 148-D na boluntaryo ang paggamit ng face shield sa mga lugar na nasa ilalim ng Alert Level 3 at pababa.
Unang nadiskubre ang B.1.1.529 o Omicron variant sa South Africa.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.