Bilang ng nabakunahan sa 3-day national vaccination drive, higit 547,000 na
Sa pagsisimula ng tatlong araw na National Vaccination Day: Bayanihan, Bakunahan 2021, mahigit 500,000 na ang nabakunahan sa buong bansa laban sa COVID-19.
Sa datos ng National Vaccination Operations Center hanggang 4:00, Lunes ng hapon (November 29), 547,628 na indibiduwal na ang nabakunahan laban sa nakahahawang sakit.
Katumbas ito ng halos 6.07 porsyento ng target na tatlong milyon sa isang araw.
Ayon kay Health Undersecretary Myrna Cabotaje, 48 porsyento pa lamang ng mga local government unit (LGU) ang nakapagsumite ng datos.
Sa ngayon, naitala ang mataas na vaccinate rate sa Regions 1, 2, 4A, 4B at CAR.
Target ng pamahalaan na mabigyan ng COVID-19 vaccine ang siyam na milyong Pilipino sa tatlong araw na inoculation drive.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.