Naitalang kaso ng COVID-19 sa Pilipinas, mababa sa 1,000
Mababa pa sa 1,000 ang panibagong napaulat na kaso ng Coronavirus Disease o COVID-19 sa Pilipinas.
Sa huling datos ng Department of Health (DOH) bandang araw ng Martes (November 16), pumalo na sa 2,819,341 ang confirmed cases ng nakakahawang sakit sa bansa.
Sa nasabing bilang, 25,464 o 0.9 porsyento ang aktibong kaso.
Sinabi ng kagawaran na 849 ang bagong napaulat na kaso ng COVID-19 sa bansa.
59.1 porsyento sa active COVID-19 cases ang mild; 5.9 porsyento ang asymptomatic; 18.61 porsyento ang moderate; 11.5 porsyento ang severe habang 4.9 porsyento ang nasa kritikal na kondisyon.
Nasa 99 naman ang napaulat na nasawi.
Dahil dito, umakyat na sa 45,808 o 1.62 porsyento ang COVID-19 related deaths sa bansa.
Ayon pa sa DOH, 2,393 naman ang gumaling pa sa COVID-19.
Dahil dito, umakyat na sa 2,748,069 o 97.5 porsyento ang total recoveries ng COVID-19 sa Pilipinas.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.