Ayon kay Comelec spokesperson James Jimenez, makikita sa website ang election results at certificate of canvas na ita-transmit sa central server ng Comelec.
Matutunghayan sa www.pilipinaselectionresults2016.com ang resulta ng canvassing National, Local at ARMM Regional Elections.
Ang naturang portal aniya ay bubuksan o magiging ‘active’ sa oras na magsara na ang mga polling precencts bukas.
Samantala, nilinaw ni Jimenez na tanging mga resulta lamang sa botohan sa senatorial at party-list ang bibilangin ng Comelec. Ito’y dahil sa ang presidential at vice presidential canvassing ay isasagawa ng National Board of Canvassers sa Kongreso.