Adoption center para sa mga aso at pusa sa QC, bukas na
Binuksan na ng lokal na pamahalaan ng Quezon City ang pet welfare at adoption center para sa mga impounded at pinabayaang aso, pusa at iba ang uri ng hayop.
Ayon kay Quezon City Mayor Joy Belmonte, matatagpuan ang 450-square meter na bagong adoption center sa Payatas.
Ayon kay Mayor Belmonte, magandang hakbang ito para maalagaan ang mga hayop sa halip na patayin sa pamamagitan ng euthanasia.
Base sa talaan ng City Veterinary Department (QCVD), nasa 200 na hayop ang nai-impound ng lokal na pamahalaan.
Nangangahulugan ito ng 9,600 homeless animals kada taon.
Sa naturang bilang, wala pa sa isang porsyento ang sumasailalim sa pet adoption.
“We will be transforming our existing City Pound into an adoption center to promote animal adoption. The city believes that every animal deserves a loving and caring family, since dogs and cats are known to be good companion animals,” pahayag ni Mayor Belmonte.
Aabot sa 60 na hayop ang kayang ilagay sa bagong adoption center.
Mayroon ring surgery room para sa mga aso at pusa.
Sinabi naman ni City Veterinarian Dr. Ana Marie Cabel, na ire-rehabiliate muna ang mga hayop bago ipamigay para sa adoption.
“Captured dogs and cats not claimed by their owners for at least three days will be up for adoption. With the help of the City Council, we are currently creating the homing and adoption policy for them,” pahayag ni Cabel.
Nabatid na nakipag-ugnayan na ang lokal na pamahalaan sa Animal Welfare Advocates para masiguro na nakasusunod sa Republic Act 8485 o Animal Welfare Act ang bagong adoption center.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.