Hirit ng PhilHealth sa mga pribadong ospital, huwag nang ituloy ang pagkalas

By Chona Yu November 04, 2021 - 03:29 PM

Humihirit ang Philippine Health Insurance Corporation (PhilHealth) sa mga pribadong ospital na huwag nang ituloy na putulin ang pakikipag-ugnayan sa kanilang hanay dahil sa hindi nabayarang utang.

Sa Laging Handa Public Briefing, sinabi ni PhilHealth Spokesman Rey Baleña na babayaran nila ang utang sa mga pribadong ospital.

Tinatayang nasa P20 bilyon na ang utang ng PhilHealth sa mga pribadong ospital.

Malaki at napaka-seryoso aniya ang magiging epekto sa bansa lalo na sa mga pasyenteng walang kakayanan na magbayad nang buo sa hospital bill kung puputulin na ng mga pribadong ospital ang ugnayan sa PhilHealth.

May sapat aniya na pondo ang PhilHealth para bayaran ang utang.

Kaya lang aniya naantala ang pagbabayad dahil sa pandemya sa COVID-19.

Umaasa si Baleña na magiging mabunga ang nakatakdang pag-uusap nina PhilHealth chief executive officer and president Dante Gierran at ng Private Hospitals Association of the Philippines Inc. (PHAPI).

TAGS: InquirerNews, philhealth, PhilHealthdebt, RadyoInquirerNews, InquirerNews, philhealth, PhilHealthdebt, RadyoInquirerNews

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.