Tinupok ng apoy ang provincial government center sa Pagadian City kung saan nakaimbak ang mga bakuna kontra COVID-19.
Ayon sa ulat ng Inquirer, sinabi ni Dr. Anatalio Cagampang Jr., chief ng Zamboanga del Sur Medical Center (ZDSMC) at Integrated Provincial Health Office (IPHO), kabilang sa mga nasirang bakuna ang AstraZeneca, Moderna, Pfizer at Sinovac.
Kasama rin sa natupok ng apoy ang iba pang routine vaccines gaya ng para sa hepatitis, measles, at polio.
Gayunman, hindi matukoy ni Cagampang kung ilang doses ng bakuna ang nasira dahil nagpapatuloy pa ang assessment.
Nabatid na nagsimula ang sunog sa maintenance hall na nasa ground floor.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.