Isang milyong doses ng AstraZeneca COVID vaccines dumating sa bansa

Aabot sa 1,065,600 doses ng AstraZeneca COVID-19 vaccines ang dumating sa bansa.

Nabatid na donasyon ang mga bakuna ng pamahalaang Japan sa Pilipinas.

Dumating ang bakuna pasado 12:00 ng tanghali kanina, October 30 saNinoy Aquino International Airport (NAIA) Terminal 1.

Sinalubong nina National Task Force Against COVID-19 special adviser Dr. Teodoro Herbosa, Japan Embassy Economic minister Masahiro Nakata ang mga bakuna.

Ayon kay Herbosa, ipadadala ang mga bakuna sa ibat ibang bahagi ng bansa.